Gæsavatnafélagið
Umhverfismál

Í mörg ár höfum við borið á og dreift grasfræum til að hefta sandfok í kringum skálann og erum farin að sjá heilmikinn árangur af því.

Tjaldgisting hefur aukist mikið og höfum við reynt að dreifa álaginu á stærra svæði því „vinsælasta” tjaldstæðið vara verulega farið að láta á sjá.

Við settum upp skilti niður við brúna yfir Skjálafandafljót. Þar er hvatning til ferðafólks um góða umgengni á fjöllum, aka á merktum slóðum, taka allt rusl með til byggða og láta vita um ferðir sínar. Skiltið veðraðist með tímanum og var tekið niður 2019. Það hefur ekki verið tekin ákvörðun um framhaldið.

Hitulaug hefur laðað margan ferðamanninn til sín og síðast liðin ár hafa myndast ótal slóðir að lauginni. Sumarið 2004 stikuðu nokkrir félagar í ferðaklúbbnum „ungir vegfarendur” slóð frá brúnni yfir Skjálfanda norður að lauginni, til mikilla bóta.
Gæsavatnafélagar hafa stikað leiðina frá brúnni að skálanum.

Gæsavatnafélagið gaf út „póstkort” og dreifði á ferðamannastöðum, bensínstöðvum og í skála hálendisins. 

Fréttir :: Skilaboð :: Tapað-fundið :: Stjórn og nefndir :: Forsíða